123456林嘉欣凭电影《百日告别》首夺台湾「第52届金马奖」影后宝座，兼成为「金马奖」历史上首位同时夺得新人奖、最佳女配角及最佳女主角三个演技奖项嘅「大满贯」演员。消息传出后，「古惑仔」就即时拍片祝贺林嘉欣，同林嘉欣多次合作嘅郑伊健，仲大爆林嘉欣嘅花名「肥欣」！

勇夺金马影后，减紧肥嘅林嘉欣即时食薯片庆功！正喺天津举行「岁月友情演唱会一起兄弟篇」嘅郑伊健、陈小春、钱嘉乐、谢天华、林晓峰，知道林嘉欣夺得「金马奖」影后即时拍片祝贺。同林嘉欣私下好老友嘅郑伊健，就竖起手指公大讚：「肥欣叻女！」然后陈小春话：「恭喜晒！你年年都有得攞就好！」谢天华就大讚林嘉欣拎最佳女主角，係为港人争光。最后，钱嘉乐就搞笑咁话：「我话过你得，你记唔记得？记得话畀其他人知係我教你演戏！金马影后！」