尊尼特普尊重女儿出柜 尊尼特普尊重女儿出柜
荷里活巨星尊尼特普(Johnny Depp)同法国女演员Vanessa Paradis所生嘅女儿Lily-Rose 已经16 岁， 而且仲有意加入娱乐圈发展，并接拍多部电影。早前，Lily-Rose公开承认「出柜」，而作为爸爸嘅尊尼特普就被问到对呢件事嘅睇法，尊尼特普话：「我很早就知道了，我会无条件支持和尊重女儿。」佢仲话同女儿关係亲密，几乎无所不谈。
尊尼特普话一早已经知道女儿性取向。
现年16 岁嘅Lily-Rose，早前公开表示完全冇谂过同异性拍拖，间接承认自己係同性恋，而最令网民感到兴趣嘅，係佢爸爸尊尼特普原来一早已经知道女儿嘅性取向，而且会尊重同埋支持Lily-Rose，流露出慈父嘅一面。尊尼特普解释，女儿应该为自己嘅将来作出决定，而作为父母唯一能做嘅，就係支持佢。此外，尊尼特普话女儿嘅成长速度好快，唔经唔觉已经咁大个女，睇嚟尊尼特普都有啲感慨喎!
尊尼特普大讚女儿机警敏锐，係佢见过最聪明嘅人之一。