美国权威财产杂誌《福布斯》公布2015年全球最高收入歌手排行榜。排喺第一位嘅係美国歌手KatyPerry，佢由去年6月到今年6月嘅收入，高达10.8亿元（澳门币，下同），呢个收入仲排喺全球最高收入名人榜第三位，相当厉害。Katy Perry之所以吸金力咁强，係因为佢嘅世界巡唱一共唱咗17个月，先后去咗亚洲、澳洲、欧洲、北美及拉丁美洲，几乎唱匀全世界。

                                      Katy Perry以10.8亿元年收入成为《福布斯》最赚钱歌手。

至于英国男子组合One Direction，虽然早前是非不断，但佢哋仍以年收入10.4亿元排喺第二位。至于Katy Perry嘅死对头TaylorSwift，就以年收入6.4亿元排第四位，但係Taylor今年嘅世界巡唱仲未完结，所以佢明年嘅排名好可能会升上榜首。而Taylor嘅DJ男友Calvin Harris，亦以年收入5.3亿元排第六位。

Taylor Swift以6.4亿元年收入屈居第四位。