现年34岁嘅台湾前男子组合F4成员周渝民（仔仔），去月喺微博宣布同拍拖四年嘅女友喻虹渊结婚，引嚟唔少网民热烈讨论。近日，仔仔喺内地宣传新戏时，被问到几时摆酒，仔仔就话原本冇打算摆酒，但深思熟虑后改变咗主意，佢话：「考虑到结婚不只是两个人的事，还要顾及双方家长和礼俗，所以婚礼目前正在筹备中。」

周渝民去月喺微博宣布同女友喻虹渊结婚，引嚟网民热烈讨论。

仔仔话之前太投入电影角色，令自己萌生咗结婚嘅念头，但佢讲到明唔会请F4嘅三位队友饮喜酒，仔仔解释：「我不打算请圈内朋友，希望婚礼不要碰到和工作相关的人，简单温馨就好。」不过，佢话婚礼前会搞一个单身派对，到时会请嚟F4同圈中好友。问到几时生BB ？仔仔就话：「我很喜欢小朋友，可能随时会有惊喜。」

周渝民话唔会请F4 嘅三位队友饮喜酒，但会请佢哋参加单身派对。