喺刚结束嘅台湾「金马奖」上，担任主持人嘅林志玲着住校服扮《我的少女时代》嘅林真心，然后大银幕播出言承旭喺戏中重遇林真心嘅片段。事实上，呢次係言承旭同林志玲喺2006分手后，首次隔空合作，唔少网民都希望佢哋可以复合。不过，言承旭近日被爆同32岁嘅台湾模特儿张熙恩拍拖，仲被人影到多次一齐去旅行！

言承旭同林志玲隔空合体，令唔少网民都希望佢哋可以复合。

据台湾媒体报道，去年3月，现年38岁嘅言承旭曾被拍到同张熙恩深夜唱K，之后两人坐同一架车返住所。今年7月底，言承旭现身美国加州，当时张熙恩亦喺Facebook透露自己喺加州，到8月底，言承旭喺日本举行粉丝见面会，而张熙恩又再次出现喺同一个地点。此外，言承旭早前宣传新戏时，就话：「以前不懂事，现在我想要很认真的谈恋爱了。」佢仲话好羡慕好友周杰伦可以遇到另一半。