早前，郭富城（城城）高调公开同内地（口靓）模方媛（Moka）拍拖，之后Moka即被网民起底，爆出唔少负面新闻。日前，城城出席公开活动，佢话即将开拍新戏，迟啲仲会到上海试造型。问佢蜜运中係咪会比较难去投入演出沉重嘅角色？城城话：「要讲嘅事已经讲晒，对我嚟讲工作好重要，我希望同大家分享工作，生活上交返畀我，畀啲空间我自己。」

郭富城出席公开活动，封口避谈感情事。

对于公开恋情后被内地网民不断批评，城城话心情冇受影响。问到将来结婚会唔会公布？佢即刻甜笑咁答：「咁係另一个阶段，有喜事我一定公布，现阶段希望集中分享我工作事情。」问到女友Moka被爆咁多负面传闻，会唔会戥佢心痛？城城就拒绝回应。对于女友喺微博发声明否认一脚踏两船，城城话：「我都有转发，要讲嘅我女朋友都讲咗，大家关心我，我都关心大家，希望大家开心和谐。」