由郭富城、巩俐等人主演嘅新戏《西游记之孙悟空三打白骨精》将于农曆新年大年初一正式上映。噚日，电影公司就发布咗最新嘅预告片，喺片中饰演「妖皇」白骨精嘅巩俐亦首次现身，佢以一句：「先跟他们玩玩！」带出同孙悟空正邪对决嘅戏分。其后，更呈现出白骨精三戏孙悟空得手后，美猴王被赶走嘅催泪情节。

巩俐饰演嘅白骨精，喺首映中获唔少观众大讚够冷艳。

巩俐、罗仲谦同导演郑保瑞，早前去到杭州出席新戏嘅试映会，唔少观众睇完《西游记之孙悟空三打白骨精》都大讚巩俐演嘅「妖皇」白骨精好冷艳，内心戏做得非常好。对于畀咁多人讚，巩俐都觉得好开心，佢仲主动同现场观众握手，佢话：「在内地做完宣传，农曆新年会回山东老家过节。」虽然巩俐而家长住法国，但佢话每年农曆新年，都会返老家同乡里一齐过年。

郭富城饰演嘅孙悟空，将会同白骨精嚟一场正邪对决。