崔建邦（Amigo）早前被爆同模特儿女朋友陈嘉莉（Kelly）分手，之后有传佢暗交林珊珊细女李怡。噚日，又有报道话Amigo曾对Kelly动粗，引嚟全城关注。对此，Kelly话同Amigo已经分开一段时间，但就冇交代分手原因。而Amigo就否认动粗打Kelly嘅传闻，佢话对不实嘅报道感到失望，仲话会联络律师採取法律行动！

据香港媒体报道，Amigo曾向Kelly怒掟iPhone，搞到对方只手瘀咗，仲经常当众对Kelly讲粗口。随后，Amigo喺Instagram承认同Kelly已经分手，佢话：「去年结束了一段有努力经营过嘅爱情，不过分开之后大家仍然是朋友，我仍然会关心同祝福对方，希望佢会有美满嘅人生。」至于佢係咪同林珊珊细女李怡搭上，林珊珊接受访问时就回应：「我只能说，谨代表我的女儿回应，我了解嘅係大家都係识朋友啫！」

崔建邦否认动粗打女友嘅传闻，仲话会联络律师採取法律行动。

陈嘉莉承认同崔建邦已分开一段时间，但就无交代分手原因。