原本喺上星期六于澳门举行演唱会嘅张敬轩（轩仔），因为患上严重流感引发肺炎入院，除咗澳门演唱会要延期至2月27日举行外，仲影响到佢其他嘅工作活动。不过，一向喺圈中人缘唔错嘅轩仔，就获林峯仗义帮手，出席喺将军澳举行嘅「Doraemon Run 2016」跑步赛记者会。林峯就话打过电话畀轩仔，听到佢把声沙晒，希望佢可以快啲康复！

林峯话打过电话畀张敬轩，希望佢可以快啲康复！

近日，林峯为4月29日至5月1日举行嘅演唱会积极操练，而佢嘅身形都明显Fit咗好多，佢就话：「我要操肌肉同线条，要皮薄馅靓。」不过，有记者问到佢农曆年咁多美食，係唔係可以戒口？林峯就笑笑口话：「同屋企人讲咗唔好迫我食嘢，但食鲍鱼冇问题，太多糖分就唔好！」至于佢帮轩仔出席活动有冇收酬劳？林峯就答：「我唔知，係公司安排，冇乜所谓。」

张敬轩患上严重流感引发肺炎入院，所以澳门演唱会延期举。