準妈妈Jessica C.接受有线娱乐新闻访问，分享陀B心情。佢大爆老公安志杰係一个溺爱小朋友嘅人，相反Jessica C.比较随意，所以唔会係怪兽家长。问到过农曆年去边？佢就话：「香港嘅新年好特别，最锺意同家人朋友一齐煮饭仔，整下汤圆，感觉好Warm！」佢仲话同老公上年已经派利是，加上气氛热闹，所以好开心！

Jessica C.话同老公上年已经开始派利是。

踏入猴年，已经陀B嘅Jessica C.就被问到想生几多个？佢笑笑口咁答：「暂时生一个先，希望将来有更多。」对于陀B要戒口，佢就话：「我好锺意食生冷食物，好似海鲜，但而家朋友不断叮嘱我要戒口，搞到大闸蟹、雪糕都唔食得，好痛苦！」Jessica C.仲话自己嘅饮食习惯有好大改变，多咗食中菜同饮中汤，亦希望有一日可以学识煲汤畀老公饮。

Jessica C.希望将来可以生多几个B！