内地女星范冰冰（范爷）从电视剧配角晋升为国际巨星，同男友李晨感情亦非常稳定，到咗谈婚论嫁嘅阶段，令好多网民都非常羡慕。虽然范爷曾经讲过李晨係佢嘅最后一个男朋友，但结婚一事始终雷声大雨点小，一直冇下文。不过，噚日就有网民贴出闭路电视嘅画面，仲话见到范冰冰同李晨喺中国山东省烟台市订婚！

范冰冰曾经讲过李晨係佢嘅最后一个男朋友。

噚日，有网民喺微博爆料，话见到李晨趁农曆新年期间，喺烟台市举行订婚仪式！嗰位网民仲上传多张闭路电视嘅画面，令到好多网民都信以为真！不过消息曝光后，范爷嘅经理人公司就即时出面否认事件，仲话事件係「子虚乌有」。随后，亦有网民证实范爷当日唔係去订婚，只係出席家庭聚会，令粉丝又空欢喜一场。

有网民贴出闭路电视嘅画面，话见到范冰冰喺烟台市订婚。