早前，天后容祖儿出席活动嗰时，就已经大爆情人节会喺美国度过，主要原因係佢要去美国为「容祖儿李克勤演唱会」演出，但有传佢嘅男朋友刘浩龙（师兄），都秘密跟埋祖儿去美国玩。喺祖儿放上网嘅相入面睇到，好拍档克勤带埋老婆卢淑仪同两个仔仔同行，一家大细坐直升机去大峡谷游玩，而祖儿仲同李克勤狂影合照留念，真係够晒老友！

祖儿同李克勤喺大峡谷影合照留念。

其实除咗李克勤一家外，有眼利嘅网民就话见到疑似师兄嘅人坐咗喺直升机入面，而容祖儿喺上载图片嘅时候引用咗《爱变了这世界衬衣》歌词，佢话：「浪漫或是沐浴在热海，或在仲夏诺曼第望海，听我说句爱你在大峡谷散开。」真係甜到爆。至于克勤回应祖儿留言时，言语间亦暗示师兄同行。有网民睇到之后，就即时留言话：「情人节当然要带上那条龙（刘浩龙）。」

祖儿偷影李克勤一家四口同游大峡谷。