周董 昆凌 高难度晒恩爱

台湾天王周杰伦（周董）老婆昆凌自从生咗爱女Hathaway后，两人感情更加甜蜜。前日情人节，昆凌先喺微博话收到彩色玫瑰花，同粉丝分享喜悦。其后，周董嘅歌迷官方微博贴出一张周董同昆凌嘅合照，两人手拖手跳起，再用双脚造出心形图案，高难度晒恩爱嘅姿势让网民惊歎不已。不过，周董就解释呢张相其实係去年影落，并唔係新相。

周杰伦同昆凌手拖手，造出心形图案。