麦浚龙（Juno）喺香港铜锣湾举行试听会，即场分享暑假推出嘅新碟《Evil is a point of view》其中三首新歌。Juno透露新碟喺去年已经开始製作，由林夕及周耀辉负责填词，以11首歌贯穿一个爱情故事。讲到有人话上一张专辑太过商业，Juno表示：「今次新碟都一样係讲爱情，上只碟係令大家发现，原来香港乐坛重有好多呈现嘅方法。」

麦浚龙邀请薛凯琪合唱新碟嘅最后一首歌。

Juno话今次新碟会同薛凯琪（Fiona）一齐合作，佢话：「今次唔係上只碟嘅延续，係一个独立嘅故事。Fiona会参与专辑最后一首歌，我同佢嘅感觉好唔同，所以希望尝试一下合作。」Juno透露即将开拍嘅新戏会有好多演员角色，重会顾及埋内地市场，所以嚟紧会好忙。问佢会唔会担心到时会有好多规限，Juno话：「创作係无限嘅，我会尽量喺有限嘅空间创作！」

麦浚龙邀请薛凯琪合唱新碟嘅最后一首歌。