日前，「千亿新抱」徐子淇穿着露膊长裙出席公开活动。佢透露农曆新年一家人去咗夏威夷旅行，带小朋友到沙滩玩，重同海豚一齐游水。虽然四个几月大嘅细仔建熹第一次搭飞机，但就好乖全程喺飞机瞓觉。问家姐及哥哥有冇帮手照顾细佬，徐子淇话：「佢哋只有同细佬玩，但未识得照顾佢，有时搞喊咗就会还番畀我。」

徐子淇透露农曆新年一家人去咗夏威夷旅行。

问到凑建熹会唔会好辛苦？徐子淇话：「少少啦，但佢真係溶咗你嗰心，唔想出街，净係想揽住佢。」问到咁锡建熹，老公李家诚会唔会呷醋，徐子淇即冧爆话：「有呀，我有次同老公一齐，我抱住BB，佢问我：『到我未？』咁我就畀BB佢啦，点知佢话：『唔係呀，係你理我未？』。」

徐子淇大爆老公李家诚因佢太锡细仔建熹而呷醋。