锺嘉欣同TVB集团前主席梁乃鹏嘅侄仔Jeremy拍拖半年，两人于去年年底秘婚后，日前喺温哥华补摆喜酒宴请亲友。当日着得好密实嘅锺嘉欣，有传婚后「一击即中」，但因为怀孕未够三个月，所以暂时冇向外公布喜讯。当被媒体问到係咪双喜临门时，锺嘉欣就冇正面回应，佢剩係话：「按照传统习俗，BB嘅嘢唔可以乱讲。我觉得而家仲太早，适当嘅时候会公布。」

锺嘉欣喺微博公开由自己作曲、王祖蓝填词嘅婚礼主题曲。

噚日，正式「升呢」做人妻嘅锺嘉欣，喺微博多谢粉丝嘅祝福，佢仲公开由自己作曲、王祖蓝填词嘅婚礼主题曲。锺嘉欣话：「感恩！Wedding Party终于大功告成喇！感谢各位传媒同粉丝的爱戴，感激记者朋友的合作，你哋辛苦了！之前应承过会将我自己作曲的新歌〈我结婚了〉放上微博同大家分享结婚心情，希望大家会锺意！」

锺嘉欣同老公Jeremy日前喺温哥华补摆喜酒。