荷里活巨星里安纳度狄卡比奥（Leonardo DiCaprio）众望所归喺「奥斯卡」首度称帝。喺颁奖礼结束后，佢同出炉影后贝儿娜森（Brie Larson）一齐出席杂誌《Vanity Fair》举行嘅庆功派对，由于里安纳度嘅父母已经离异，所以各自带另一半庆祝佢封帝。紧张咗成晚，贝儿娜森喺庆功派对展现豪迈嘅一面，不仅将高踭鞋换成波鞋，仲将单脚放上枱食汉堡包，另一只手就拎住「小金人」，认真够霸气。

里安纳度喺颁奖礼结束后，一连出席两个庆功派对。

里安纳度出席完庆功派对后，就再转场去到位于西荷里活Ago餐厅所举办嘅派对，佢被美国媒体拍到佢食电子烟同饮鸡尾酒。里安纳度喺现场接受众人祝贺，而离场时就急急脚上车，之后有人大叫：「你的奥斯卡。」跟住有人拎住个「小金人」出嚟，原来里安纳度漏低咗个奖，唔知係咪庆功开心过头，所以先咁大头虾呢！

贝儿娜森将单脚放上枱食汉堡，另一只手就拎住「小金人」。