早前，有内地网民喺微博爆料话容祖儿将会以替补歌手身份，参加内地人气歌唱比赛节目《我是歌手4》。日前，又有消息话容祖儿将以踢馆歌手身份参加比赛，以每集150万人民币（约澳门币180万）嘅天价出战。而李克勤亦喺Facebook贴出同容祖儿嘅合照，仲话：「下一站，我带路……不过角色好像有点不一样。」有传两人已经出发到湖南长沙进行绿影，容祖儿以自己嘅国语歌〈挥着翅膀的女孩〉踢馆。

容祖儿以每集澳门币180万嘅天价出战《我是歌手4》。

消息传出后，容祖儿经理人霍汶希证实容祖儿确实係以踢馆歌手身份参赛，佢话：「其实《我是歌手》都搵咗祖儿好多年，节目一直都好有诚意，但因为之前时间难配合所以冇参加，祖儿都有谂过自己胜唔胜任到，但今次有克勤一齐就放心好多，克勤仲不停劝佢参加，所以佢最后都应承咗，赢输都唔重要，最想係挑战自己。」

容祖儿和李克勤一齐出发到湖南长沙进行录影。