日本天后滨崎步嚟澳门睇完麦当娜嘅演唱会后，前日搭直升机去到香港出席造型师兼好友吴吉伦（Alvin Goh）嘅生日派对。滨崎步喺30名保镖护航下，同外籍老公Tyson一齐到场。由于派对以性感为主题，所以原本着住西装外套嘅滨崎步，喺现场大方除下外套大骚半球，同Alvin大斗性感。

滨崎步以性感造型出席造型师兼好友Alvin Goh嘅生日派对。

生日派对上，滨崎步同Alvin除咗一齐切蛋糕外，重亲密互餵汤圆。讲到有报道话Alvin係滨崎步男友，滨崎步否认话：「不是，他是我妈妈。」Alvin就话自己视滨崎步为女儿，会经常闹佢同关心佢。问滨崎步如何庆祝元宵节，佢话：「不知道有元宵节，但会有Family Time和Family Dinner。」滨崎步嘅老公Tyson就扬言只想二人世界，佢话：「我都想有Family Time，只得我们两个的。」

滨崎步同Alvin Goh除咗一齐切蛋糕，仲亲密互餵汤圆。