熊黛林（Lynn）同郭可盈细佬郭可颂拍拖一年几，两人近嚟愈爱愈高调，去年圣诞节Lynn仲同男朋友一家去旅行，疑似好事近！前晚，Lynn出席公司春茗晚宴时，被发现左手中指戴住约三卡巨型钻戒，佢仲大方承认係男朋友送畀佢嘅求婚戒指。Lynn话：「係呀！两、三个月前嘅事，冇谂过去特别公布，大家问到就开心分享。」

心情大好嘅熊黛林借同事嘅「冬菇头」假髮嚟戴，非常搞鬼。

Lynn话男朋友为人简单，所以求婚都好简单，只係得鲜花同戒指。佢话：「佢（郭可颂）好孝顺，係一个好有计划嘅人，仲好有诚意，努力改变，唔係空口讲大话嘅人。」问到几时会举行婚礼？Lynn就话而家拍摄紧新戏，会以工作为先，稍后再筹备婚礼，因此婚礼可能会喺今年年尾或明年举行，佢仲讲到明婚后一定会生小朋友