郭富城 衷心祝福熊黛林

郭富城（城城）出席「香港电影导演会」周年晚宴，佢话早前喺上海拍摄新戏《新永不消逝的电波》时唔小心伤及旧患，嚟紧要抽时间做个简单嘅手术。讲到前女友熊黛林大晒三卡巨型钻戒，宣布男友郭可颂已求婚成功一事，城城坦言有睇到新闻，佢话：「衷心祝福佢。」但当问到佢同内地女友方媛嘅感情状况时，城城就话係自己私事，拒绝回应。

对于熊黛林承认男友已求婚一事，郭富城话会衷心祝福佢。