邓紫棋（G.E.M.）于2014年同台湾歌手林宥嘉结束四年情后，身边护花使者不断涌现，除咗一直传出绯闻嘅冯允谦，早前仲被拍到同香港富二代Mark Ngai多次出游。噚日，G.E.M.被内地媒体大爆同内地男歌手华晨宇拍拖，仲被拍到专门飞去北京为华晨宇庆祝生日。消息曝光后，即时引嚟双方粉丝热烈讨论。

邓紫棋被爆同内地男歌手华晨宇拍拖。

据内地媒体《全明星探》报道，邓紫棋于上个月6号，即年廿八当日冇同屋企人团圆，反而拎住蛋糕现身北京机场，然后去到离机场唔远嘅一个豪华公寓。隔咗一阵，华晨宇都喺公寓出现，原来当日係华晨宇嘅生日，G.E.M.去北京係为咗同佢庆祝，报道仲话G.E.M.只係逗留一晚就匆匆返港。其实喺今年年初，华晨宇就被网民拍到同一名神秘女子同游深圳，后来证实该名女子就係G.E.M.。

华晨宇喺今年年初被网民拍到同邓紫棋同游深圳。