噚日，古天乐（古仔）、刘青云同彭于晏出席新戏《危城》发布会。三位型男自携片中用嘅武器上台，当问到揸枪嘅古仔惊唔惊被刘青云嘅两米铁鞭比下去时，古仔就搞笑话：「佢支嘢大未必有用嘅！我短小精干拍得最轻鬆，唔使点打。」至于被形容为「鞭长两米」嘅刘青云，佢就话：「呢个已经係公开嘅秘密啦！」引嚟全场爆笑。

刘青云自爆练习时挥长鞭打到自己满身伤痕。

古仔话今次戏中饰演嘅少帅係自己演过最奸嘅角色，而好少拍打戏嘅刘青云则自爆练习长鞭时打到自己满身伤痕，佢话：「我去到外景场地练咗三、四日，初时佢哋係畀条胶鞭我试嘅，嗰时经常打到自己，见到全身衣服都有打过嘅痕迹。」问佢日后会唔会继续挑战打戏？刘青云话：「冇谂喎！不过而家啲特技拍摄咁劲，应该帮到演员做啲高难度动作。」

古天乐、刘青云同彭于晏出席新戏发布会。