安志杰去年7月喺马尔代夫向女友Jessica C.求婚成功，并公布Jessica C.已经怀孕三个月，获得一众网民祝福。噚日，正喺美国待产嘅Jessica C.于Instagram贴出一张大肚自拍照，佢就发文话：「我会怀念你在我肚里面的日子，晚安，宝贝。」暗示BB已经出世！

安志杰同Jessica C.早前为B女举行迎生Party。

其后，Jessica C.嘅经理人证实Jessica C.採用无痛分娩诞下约八磅重、19吋半高嘅B女Tessa。据了解，安志杰喺去月已经飞到美国陪Jessica C.，佢哋仲为B女举行咗迎生Party。安志杰话喺医院第一次抱住BB时感动到喊，佢话：「好感谢老婆为我生咗呢个爱情结晶，而家係我人生嘅新开始。有咗家庭，责任大咗，我会努力搵奶粉钱，做个有责任嘅爸爸同老公。」

Jessica C.暗示BB已经出世。