台湾乐团五月天于今年5月再次喺香港红馆开唱，同粉丝延续第十次嘅「五月之约」。五月天所属经理人公司「相信音乐」喺Facebook宣布五月天「Just Rock It ！2016演唱会」将喺香港一连举行十场，打破2014年嘅七场纪录。消息传出后，有唔少台湾歌迷都话好呷醋，佢哋仲劲心痛咁话惊五月天会唱到好攰。

五月天将于5月喺香港一连举行十场个唱，打破2014年嘅七场纪录。

其实五月天由2006年开始，每年5月都会去香港开唱，但去年有传五月天拒绝出席政府举办嘅活动，最终无缘喺红馆开唱，无奈缺席同歌迷嘅「十年之约」，所以今年五月天一解歌迷相思之苦，一连举行十场个唱。虽然主办单位仲未公布门票嘅发售日期，但网上已有代购党空群而出，藉代购之名明目张胆咁炒飞，睇嚟唔少歌迷又要捱贵飞喇！

五月天演唱会门票未开卖，已经有代购党明目张胆咁炒飞。