陈岚（向太）近年不时喺微博向周星驰开火，噚日佢又旧事重提，直指网上一篇以《为什么这么多人黑周星驰？》为题嘅文章係周星驰请写手所作，仲话文章中抹黑佢老公向华强係黑道人物，更指名道姓大爆周星驰当年曾向佢借200万，26年嚟连本带利要还840万，佢仲指责对方不问自取，拎走咗佢八支名贵红酒等多项罪名。

周星驰澄清自己冇请过写手抹黑陈岚老公，所以唔需要回应。

除咗对周星驰嘅一连串「指控」，向太又话自己一直被周星驰嘅粉丝咒骂，最后仲再次向周星驰宣战，佢话：「我会一直糗你、臭你、数落你干过的龌龊下流事，请别再做缩头乌龟，是个男人就出来对质！」不过，周星驰嘅经理人就回应话：「之前已透过媒体澄清那篇文章不是我们写的，更不可能请写手，但如果对方一直坚持她的想法，没甚么好回应的。」

陈岚喺微博指责周星驰借钱唔还等多项罪名。