吴奇隆同刘诗诗喺峇里岛完婚，吴奇隆仲开心到话婚后想生五个BB，确係高兴！婚礼过后吴奇隆再举行After Party，与一众老友狂欢，但结果被一众好友闹新房兼队酒。有份出席After Party嘅宾客就喺微博上载照片，见到枱面上放满各式各样嘅酒樽，而佟大为就喺吴奇隆身边指手画脚，至于吴奇隆块脸就红晒，睇嚟饮咗好多下喎！

枱面上放满各式各样嘅酒樽，吴奇隆就不断「吹喇叭」！

除咗斗酒之外，仲见到吴奇隆跪地向老婆刘诗诗送上两盒礼物嘅相，令老婆露出幸福嘅笑容！但有好友就留言话：「很多照片和视频不能放！」可能玩得太疯狂，怕吓亲网民！对于吴奇隆婚后狂队酒，有网民就话感到非常心痛，担心会影响吴奇隆同老婆刘诗诗「洞房」呢个最重任务！如果真係想生五个，就要快手啲造人喇！

吴奇隆跪地向老婆刘诗诗送上两盒礼物。