房祖名同柯震东因2014年喺北京吸食毒品被捕，形象受到重创，演艺事业亦全面停工。呢对「落难兄弟」经过近一年半嘅休息后，最近约埋好友陈柏霖重出江湖，三人齐齐现身陈奕迅嘅台北演唱会。其后，房祖名更被台湾媒体影到带咗一班好友去到柯震东屋企人开嘅餐厅食饭，当中有几位打扮性感嘅索女，一大班人喺柯震东妈妈嘅招呼下，玩得非常开心。

房祖名尽「地主之谊」，带一班好友去柯震东屋企人开嘅餐厅食饭。

消息曝光后，房祖名即时接受访问为事件解画，佢话因为有25位朋友专程由香港飞到台北睇陈奕迅嘅演唱会，所以就希望尽「地主之谊」，带佢哋去柯震东屋企人开嘅餐厅食饭。问到房祖名女友当晚係咪在场？佢话：「有（女朋友）都唔会同佢出嚟喇！嗰度咁多记者影相。当晚一齐食饭嘅有岑建勋女儿岑宁儿、张艾嘉儿子Oscar等，係单纯嘅好友聚餐。」

房祖名、柯震东及陈柏霖齐齐现身陈奕迅台北个唱。