噚日，草蜢以大使身份冒雨参加「香港街马@九龙东2016」十公里比赛，由于佢哋三个人都係第一次参加马拉松赛事，所以搵嚟黄佩霞做陪跑员。可能举行时间太早，所以苏志威冇食早餐就开跑，佢仲话：「唯有阵间每个水站都停一停，睇下有无嘢食！」点知苏志威喺比赛尾段突然晕倒，需要送去联合医院救治！

草蜢三个人都係第一次参加马拉松赛事。

接获苏志威晕倒嘅消息后，佢老婆刘小慧即时赶抵医院了解，幸好苏志威目前已经清醒无大碍。苏志威话：「其实我最怕淋雨，好易会冷亲，所以跑到咁上下突然晕倒，而家已经冇事，多谢各位关心。」至于大会公关就指苏志威于赛事中途感到不适，并由工作人员送回起点休息，大会以安全着想将佢送去联合医院检查，而苏志威并冇跌伤。

接获苏志威晕倒嘅消息，老婆刘小慧即时赶抵医院。