拍拖近五年嘅杨怡同罗仲谦，佢哋于上周二喺英国秘密结婚。日前，两人由英国返回香港时，被大批传媒包围。杨怡除咗大晒婚戒，仲透露会喺香港补摆喜酒。其后，杨怡喺微博贴出结婚相继续放闪，佢话：「将踏入人生另一阶段，谢谢你（罗仲谦）从此牵着我走，感谢大家对我们的祝福。」而罗仲谦亦第一时间甜蜜回应，佢话：「罗杨怡！谢谢你的爱。」

杨怡喺微博贴出同罗仲谦嘅结婚相，获得一众粉丝留言祝福。

杨怡喺微博公开喜讯后，唔少圈中好友都纷纷送上祝福。去月刚刚成为人妻嘅锺嘉欣，见到好姊妹幸福出嫁当然开心，佢话：「等你的好消息一段时间了，真的替你们开心。还记得当年拍《溏心风暴》时，我们谈过谁会先结婚？想要多少个小朋友？现在我们两个都是人妻了。」至于陈法拉就喺微博贴出同杨怡嘅旧相，佢搞笑问：「你也嫁人了，我还有谁可以娶呢？」

杨怡同罗仲谦喺机场接受访问，透露会喺香港补摆喜酒。