现年41岁嘅邓健泓（Patrick），同29岁香港歌手石咏莉（Sukie S）拍拖三年，两人感情一直都好稳定。日前，石咏莉喺IFPI颁奖礼上成功夺得「十大销量广东唱片」及「IFPI十大销量本地歌手」两个大奖，真係可喜可贺。喺颁奖礼结束后，Patrick就非常识做，即时搞咗个惊喜Party向女友求婚，搞到Sukie S感动到爆喊！

邓健泓搞咗个惊喜Party向女友求婚，搞到Sukie S感动爆喊。

求婚成功后，邓健泓高调喺Facebook向女友发表爱的宣言，佢话：「我不富有，但我会将我最好的跟你分享，现在和将来都会把我最好的给你。」其后，Sukie S亦甜蜜回应话：「在一个毫不知情的惊喜派对上，眼泪都按捺不住了，看见他（Patrick）为我默默所做的一切，每个细节都花尽心思。大家日后可以叫我做邓太，感恩，一路上有你。」

邓健泓喺Facebook发表爱的宣言冧爆女友。