现年33岁嘅蔡卓妍（阿Sa）去年同陈伟霆宣布分手，结束五年情。噚日，有香港媒体大爆阿Sa搭上42岁餐厅老闆蒋翘帆（Hudson），仲话佢哋已经拍咗拖几个月。报道话阿Sa同Hudson每次拍拖都搵好姊妹锺欣潼做烟幕，所以一直冇被人发现。为咗多啲时间见面，Hudson仲经常喺凌晨去阿Sa屋企，每次都到第二日中午先离开。

蔡卓妍经常去Hudson间日本餐厅食饭。

据知Hudson曾经离过婚，并有一个约十岁大嘅仔，佢除咗係一间印尼餐厅嘅董事，仲拥有一间日本餐厅30%嘅股权。盛传佢同阿Sa已经识咗好多年，阿Sa因为经常去Hudson间日本餐厅食饭，两人慢慢行埋一齐。消息传出后，阿Sa即时透过经理人公司否认恋情，佢话：「我係识得佢（Hudson），之前只係喺展览撞到，唔係拍拖。」

Hudson（右一）早前去睇Twins跨年演唱会。