日前，谢安琪（Kay）举行一连两场嘅暂别乐坛演唱会圆满结束，喺个唱尾声，Kay更加忍唔住爆喊。对于佢暂别乐坛一年呢个决定，好多粉丝都话唔捨得，而喺庆功宴上，Kay就解释决定係经过深思熟虑，佢话：「其实呢个决定係好难做㗎！但经过考虑之后，都係想休息一下，希望将所有时间都放喺家庭，照顾小朋友、老人家身上。」

谢安琪暂别乐坛演唱会圆满结束。

对于有传Kay嘅暂别主因，係佢同经理人夏森美不和，但Kay即时否认话：「冇不和，合作咗咁多年，而家係时候休息。」问到未来一年停工，老公张继聪嘅负担会唔会加重？佢就话对老公充满信心：「好开心我哋一家三口嘅快乐唔係嚟自物质，一家人对未来都好有信心，希望每件事都会顺顺利利。」问到暂别后会唔会喺公开场合露面？佢就话会继续支持公益活动。

谢安琪对老公张继聪充满信心。