去年5月，荷里活影星安芭赫德（Amber Heard）带住两只宠物狗飞到澳洲，探望喺当地拍戏嘅老公尊尼特普（Johnny Depp），由于安芭赫德被揭发冇为宠物检疫同报关，所以被控两项偷运违禁品罪名。日前，安芭赫德喺老公尊尼特普陪同下接受聆讯，两公婆仲拍咗一段道歉短片向法官求情，但却遭网民狠批演戏，更有人话呢段片係尊尼特普「从影以来的最佳演出」。

安芭赫德喺老公尊尼特普陪同下接受聆讯。

喺道歉影片中，安芭赫德为冇申报两只宠物狗一事致歉，而尊尼特普则呼吁大家入境时一定申报所有物件。影片曝光后，网友纷纷喺社交网站留言狠批，有人指佢哋态度毫无诚意，更有网民笑指尊尼特普今次真係交足戏。呢段片虽然唔被大众接受，但裁判官最后判安芭赫德守行为一个月及罚款1,000美元（约澳门币8,000元），总算成功甩难。

安芭赫德最终被判守行为一个月及罚款。