噚日係曾志伟嘅63岁大寿，佢出席完新戏《GoodTake！》首映礼后，随即拉大队前往兰桂坊庆功兼庆祝生日，之后又搞慈善晚宴为定山寺重建筹款。其实今年已经係曾志伟连续第三年帮寺庙筹款，佢话：「今年帮南京定山寺筹款，目标筹到500万，今年係第三年搞斋宴，自己私人就筹咗十年。」

出席新戏首映礼后，曾志伟喺兰桂坊大搞派对庆祝63岁生日。

讲到有外籍好友喺派对外露械，吓到女子组合Super Girls花容失色，曾志伟听闻即搞笑话：「係咩？咁好嘢？係咪嚟帮我赠兴㗎！」连续几晚都大搞派对，曾志伟都话要抖一抖，佢话：「成个礼拜都係生日周，之前先同成龙佢哋庆祝，嚟紧会同打高尔夫球嘅波友庆祝，已经醉咗七晚，之后要去内地拍网络剧，会同内地嘅朋友再庆祝。」

（左起）张兆辉、曾志伟同苗侨伟一齐出席新戏首映礼。