现年36岁嘅徐子珊早前去咗读珠宝设计，近排好少喺公开场合亮相。噚日，徐子珊被爆同西班牙籍男模特儿Moni Demirov拍拖。报道仲话徐子珊早前透过朋友介绍认识Moni，之后两人打得火热，徐子珊仲买咗机票去西班牙见对方家长，而Moni亦不时喺Instagram贴出同徐子珊嘅合照，大晒恩爱。

徐子珊被爆同外籍男模特儿拍拖。

消息传出后，Moni即时透过媒体撇清同徐子珊嘅关係，仲强调自己目前係单身，佢话：「我哋只係工作上嘅合作，係普通朋友关係，完全冇发展机会。」其后，徐子珊亦同样否认传闻，佢话：「当然唔係拍拖，好多相都係旅行时影嘅『姊妹』合照，其实佢係我嘅下属，而家咁样搞一搞，睇嚟我要送一张单程机票畀佢返屋企。」

Moni不时喺网上贴出同徐子珊嘅合照。