歌手周永恒早前被爆出轨偷食，搞到同老婆赵颂茹离婚收场，之后又喺访问中自认「人渣」向赵颂茹道歉。日前，ViuTV播出由陈淑兰主持嘅《晚吹：总有一只喺左近》中，请嚟周永恒同陈莉敏做嘉宾，讨论「贱格」呢个主题。节目中周永恒觉得被人摆上枱，最终喺拍摄中途爆粗离场，ViuTV亦照样播出街，引来极大回响。

周永恒喺陈淑兰主持嘅《晚吹：总有一只喺左近》节目中担任嘉宾。

喺节目播出后，周永恒喺Facebook公开相关对话同ViuTV对质，佢话：「Roll机时两位大姐上晒身，明踩暗串非常有Teamwork，我心谂主持人、嘉宾唔跟稿，製作部点都会控制下，我见佢哋完全冇反应，中间叫停了机直接问监製，何为探讨人性黑暗面？点解主题改成这样？伏已中，街已出，错已成，责已当，唔好屈我为钱同人夹稿，唔该！」

周永恒喺节目中觉得被人摆上枱，拍摄中途爆粗离场。