噚日，余文乐喺香港出席新戏《狂兽》开镜拜神，讲到近日被影到同不和多年嘅周柏豪「破冰」食饭，余文乐就话佢哋一直都冇不和，佢话：「我哋不嬲都冇嘢嘅，係传媒连续写咗三年啫。大家都有间中食饭，只不过係我成日都唔喺香港，所以都好少见到咁多朋友啰！」

余文乐出席活动时，否认同周柏豪不和多年嘅传闻。

讲到当年余文乐不满周柏豪偷食篮球队队友妹妹，所以将对方踢出篮球队。对此，余文乐话：「将自己踢走就有，因为工作太忙，已经好耐冇打波喇！」佢仲强调从来冇发生过偷食呢件事。问到最近因拍摄内地真人节目，而同内地女星周冬雨传出绯闻，余文乐就话一早预咗，佢解释：「合作咗一段时间，唔会话冇发展机会，但现阶段大家真係朋友关係。」

余文乐因拍摄内地真人节目，而同内地女星周冬雨传出绯闻。