噚日，「金句王」黎明拍片表示演唱会因问题被迫取消，向买咗飞又排紧队準备入场嘅粉丝表示「万二分对唔住」！据黎明片中所讲，由于食环署指音乐活动嘅主办单位未能符合有关消防安全规定，所以不能就活动发出临时公众娱乐场所牌照。黎明话：「各位买咗飞嘅朋友，我只能够讲好对唔住！万二分对唔住。」

黎明拍片解释帐篷嘅布料未符合规定，所以不获发牌。

对于演唱会唔能够如期举行，黎明喺片中解释：「我哋今日个演唱会係要取消，原因係食环署唔批，因为消防条例话我哋嘅布料虽然係防火料，但唔係英国认可嘅规定，所以我哋尽快解决所有善后工作，睇下有咩可以改变，有机会扭转嘅方法，我哋会尽量尝试，请排紧队嘅朋友返屋企，喺度为大家带嚟咁多唔方便嘅地方，我只能够讲好对唔住！」

黎明嘅演唱会原定于昨日举行，一共八场。