现年31岁嘅前女子组合Cookies成员杨爱瑾（Miki），同永安太子爷郭永淳拍拖八年，两人去年喺芬兰同冰岛旅行时，男方浪漫向Miki求婚成功，之后佢哋于去月低调注册结婚。噚日，Miki公布将于本月30日喺香港举行婚礼，除咗双方嘅亲朋戚友外，更会邀请邓丽欣、吴雨霏及区文诗等一班Cookies好姊妹一齐分享喜悦。

杨爱瑾同郭永淳于去月注册结婚后，将于本月尾喺香港举行婚礼。

Miki同郭永淳为月尾嘅婚宴已经筹备咗半年，两人早喺去年9月就去到意大利拍摄婚纱相。拍摄当日气温高达38度，为咗靓景，Miki要着住性感嘅婚纱行上山，佢话：「最惨係唔记得带拖鞋，当时着住三吋高踭鞋行咗40分钟，沿途仲要经过啲唔平嘅沙石路，不过好彩有惊无险，最后出嚟嘅效果好满意。」

杨爱瑾公开去年9月喺意大利影嘅婚纱相。