将会喺2017年贺岁档期上映嘅《锋味江湖之决战食神》，喺佛山举行开镜仪式，谢霆锋、郑容和、葛优、白冰、黄秋生及唐嫣等一起出席活动。喺活动上，谢霆锋被问到有冇听过王菲爱女窦靖童刚推出嘅新碟？佢就答：「有听！」问到佢同窦靖童边个唱歌劲啲？谢霆锋就搞笑话：「劲过我有几难啫！」不过，佢就唔肯答有冇谂过同王菲结婚等问题。

郑容和话未有机会试谢霆锋嘅手势。

同场嘅韩国男星郑容和，就话自己厨艺麻麻，唔识用刀，剩係识切菜。问佢有冇试过谢霆锋嘅手势？佢就话未有呢个机会。问到拍摄呢部戏觉唔觉得辛苦时，佢就先请教身边嘅白冰「热」字普通话点讲，然后佢再答：「热死宝宝！」据了解，《锋味》会嚟到澳门新濠影滙取景，拍摄当中嘅重头戏「挑战食神终极决赛」，导演叶伟民就话：「电影係为咗向饮食界嘅顶级厨艺大师致敬！」

2017年贺岁片《锋味》举行开镜仪式。