因为头场要临时取消而变成全城热话嘅「黎明4D演唱会」，第三场个唱已经圆满结束，歌神陈奕迅同天后郑秀文都有入场支持。喺短短两个钟入面，黎明亦不忘发挥「金句王」本色，佢同歌迷讲：「虽然呢个世界我唔相信永远，但呢一刻，呢分钟嘅永远，我会相信你哋（歌迷）。」佢仲自称「明仔」同大家讲：「我哋都係地球嘅游客，最紧要活在当下！」

黎明先后唱出〈越夜越有机〉同〈眼睛想旅行〉等经典歌。

同演唱会核心内围嘅观众（买飞入场）玩得开心之余，黎明亦同样照顾到核心外围嘅观众（冇买飞）。佢话：「今晚好多人停咗车喺度听，仲有人野餐，带埋红酒、Parma Ham，但最紧要唔好烧鸡翼，同烧有关都唔好。相信出面朋友係听到，今日空气湿度OK，唔会食尘，有风嘅地方唔会有蚊降落喺酒同Parma Ham度，总之我哋入面开心，你哋都开心！」连冇买飞嘅观众都照顾埋，难怪大家咁爱Leon啦！

由于隔音麻麻，所以核心外围都有好多市民免费听歌。