韩国男团EXO前中国籍成员黄子韬（Tao）日前喺南京举行个唱，但佢当晚嘅演出就遭到内地音乐人梁欢质疑「假唱」。消息传出后，Tao嘅工作室即时否认「假唱」呢个说法，并解释：「Tao在演唱时运动量特别大，会有气息音準瑕疵，所以跳舞时会将带人声的伴奏轨推大，不是假唱！」仲话为咗Tao嘅名誉，会保留法律追究嘅权利。

黄子韬喺南京举行嘅个唱，被内地音乐人梁欢质疑「假唱」。

对于Tao工作室嘅解释，梁欢就非常不满，佢话Tao工作室刻意将「假唱」讲成「开半咪」，佢仲话：「演唱会上放CD的行为本身就违反了营业性演出管理条例。请直接给我发律师函，我们去法庭聊这个问题。」虽然事件愈闹愈大，但Tao就一于懒理，仲约咗一班好友庆祝23岁生日，完全冇被「假唱」风波影响心情。

黄子韬同一大班好友庆祝23岁生日，似乎心情冇受影响。