ViuTV节目《跟住矛盾去旅行》日前播出最新一集，讲到「毛记电视」嘅「脑细」林日曦同香港立法会议员蒋丽芸去韩国首尔旅游，但係两人全程零交流，喺镜头前更加係面阻阻。就连喺酒店大堂相遇，林日曦都係透过工作人员同蒋丽芸讲「早晨」。搞到蒋丽芸劲尴尬，佢超无奈咁讲：「真係唔知应该点同啲后生仔沟通！」

经常黑脸嘅「脑细」林日曦，拒绝同蒋丽芸直接沟通。

节目播出后，林日曦喺Facebook自爆录製节目时，同蒋丽芸喺成个旅程都冇讲过一句说话，只係透过工作人员向对方传话，佢话希望喺冇任何语气影响嘅情况下，可以同蒋丽芸好好沟通。林日曦话：「蒋丽芸经常想单方面同我强行对话，但我即时拒绝，所以令到佢好愤怒，仲差啲搞到节目冇办法继续，真係辛苦晒啲工作人员。」

两人喺节目中零交流，只係透过助手传话。