「金句王」黎明（Leon）嘅4D演唱会嚟到第六场，佢为咗补偿之前买咗飞睇唔到演出嘅歌迷，专登喺Facebook大玩直播，仲叫现场嘅观众用唔同语言同大家打招呼。之后，Leon拎住电话为歌迷献唱〈夜夜梦中见〉，短短四分钟嘅片段，吸引超过133万人浏览，黎天王嘅魅力果然惊人。

周慧敏为黎明演唱会捧场，事后仲贴出两人喺后台嘅合照。

Leon当晚嘅演出吸引唔少圈中好友前嚟捧场，当中包括昔日「银幕情侣」周慧敏。周慧敏事先喺Facebook贴出一张26年前同Leon合作《痴情快婿》嘅合照，佢仲话：「是时侯要出动看一下老拍档了，Leon Good Show！」完骚后，周慧敏又贴出喺后台同Leon嘅即场合照，相中两人对比26年前冇乜变化，有网民搞笑话佢哋一定係食咗防腐剂。

黎明喺Facebook玩直播，吸引超过133万人观看。