萧敬腾化身经典漫画角色樱木花道。

台湾歌手萧敬腾（老萧）除咗唱功了得，近日仲多咗接拍电影同剧集，歌影视三路发展！由于老萧成日变形象，有粉丝就话佢每次染髮，都会变成唔同嘅卡通人物！早前，老萧就染咗一头绿色头髮，有网民就话佢同《海贼王》入面嘅索隆一模一样，非常搞笑！而喺噚日母亲节，佢就化身另一经典漫画角色：樱木花道！

早前萧敬腾把头髮染绿，同索隆一模一样。

噚日母亲节，老萧就分享咗一张近照，佢话：「晚安，祝妈妈们母亲节快乐！」但有粉丝就发现老萧嘅头髮由绿色变咗红色，仲笑佢好似《男儿当入樽》嘅主角樱木花道。虽然老萧新形象有啲搞笑，但粉丝都话好担心佢短时间内咁样染髮，应该会影响髮质，但亦有粉丝话老萧只係用咗髮腊，只要洗一次头就会甩色，变返黑色头髮。