张栢芝继2012年演出《危险关係》后，早前宣布同韩国男子天团Big Bang成员T.O.P.合作新戏《失控．幽灵飞车》，相隔四年复出大银幕。T.O.P.喺戏中饰演国际刑警，而张栢芝则扮演赴德国出席活动嘅女明星，但意外陷入惊天阴谋。今次新戏係T.O.P.入伍前嘅最后一部作品，预计会喺今年下半年正式上映。

张栢芝完成拍摄工作后，同T.O.P.等人影合照留念。

由于戏中有唔少动作戏分，所以张栢芝同T.O.P.早喺今年4月就已经飞到德国进行训练，而T.O.P.亦不时透过Instagram向粉丝汇报近况。经过几个月嘅拍摄后，噚日张栢芝嘅戏分已经全部完成，除咗同一班演员影合照留念之外，佢仲喺片场向剧组工作人员大派利是，最后亦获得剧组回送礼物。

T.O.P.喺戏中饰演国际刑警，张栢芝则扮演赴德国出席活动嘅女明星。