噚日，内地话题女星张馨予被媒体影到出席饭局时，分别同三男一女火辣激吻、摸胸等画面，引嚟网民热烈讨论！喺曝光嘅影片中，张馨予同一班人喺一个包厢食饭，佢拎住杯红酒、戴住棒球帽，并先后同三名男子有亲密动作，其中一名男子更被认出係佢目前拍摄紧嘅新戏《思美人》嘅製片人梁振华。

喺视频中，张馨予向新戏製片人投怀送抱主动献吻。

张馨予先向梁振华投怀送抱、主动献吻，之后佢反被对方袭胸，但奇怪嘅係张馨予竟然冇反抗，反而笑得非常开心！两人玩完一轮之后，张馨予又同另外两名男人揽头揽颈，玩得兴奋之余亦有互相锡脸。不过，张馨予似乎仲未够皮，皆因佢再同现场嘅一名白衣长髮女子打车轮，两人更当众上下其手互摸！有网民就话难怪张馨予咁红，原来男女通杀，果然识捞！

一向靠是非上位嘅张馨予，今次又被爆大镬。