刚刚完成演唱会嘅「金句王」黎明（Leon），呢次同毛记电视「脑细」林日曦合作拍广告，两人更恶搞经典歌〈情深说话未曾讲〉，改词变做全新广告歌〈情深咖啡未曾饮〉。该广告日前于Facebook发布后，即被网民疯狂洗版，截止目前已超过290万人次观看，并获得超过15万人按讚，成为网上热话。

黎明化身打工仔向林日曦推荐白咖啡。

喺广告入面，Leon化身打工仔向饮惯黑咖啡嘅「脑细」林日曦推荐白咖啡。被拒绝后，Leon即时抛出金句：「不如唔好理黑咖啡定白咖啡，只要係好饮就係好咖啡。」跟住再唱出搞鬼歌词嘅〈情深咖啡未曾饮〉，绝对令人捧腹大笑，至于另一演员刘江喺广告结尾突然现身献唱一句，亦为观众带嚟惊喜。

已多年冇拍广告嘅黎明，呢次同林日曦合作拍新广告。