黄子华同陈法拉主演嘅舞台剧《前度》，将于今年7月喺湾仔演艺学院正式演出。初时落实演出18场，但观众反应非常热烈，所以喺正式售票前夕，主办单位宣布加开六场，一共演出24场。噚日，门票正式公开发售，唔少粉丝都担定櫈仔「霸位」买飞，结果喺短短两个钟内，所有门票已经火速售罄。

黄子华同陈法拉主演嘅舞台剧门票，喺短短两个钟内火速售罄。

陈法拉喺2013年离开TVB后，一直于外国进修，今次佢返嚟同黄子华演舞台剧，令唔少粉丝都好期待。噚日，陈法拉返到香港积极彩排舞台剧，佢仲话要抽空上堂学广东话，做足準备功夫。陈法拉话：「呢两年喺美国读书好少讲广东话，加上我广东话一向都麻麻哋，所以要再练习，主要读剧本入面角色嘅嘢，想练到对语言感觉再熟悉啲。」

陈法拉抽空上堂学广东话，为舞台剧做足準备功夫。